Կայացել է նախարարին կից հասարակական խորհրդի հերթական նիստը

18-09-2018 18:46:16   | Հայաստան  |  Սպորտ
Այսօր անցկացվել է ՀՀ սպորտի և երիտասարդության հարցերի նախարարին կից հասարակական խորհրդի հերթական նիստը՝ ռոտացիոն կարգով խորհրդի կազմում ընդգրկված նոր անդամների մասնակցությամբ:
 


Խորհրդի անդամները քննարկել են հոգեբան Անժելա Բարխուդարյանի ներկայացրած մարզաձևերի ՀՀ ազգային հավաքականներում ընդգրկված, ինչպես նաև հեռանկարային մարզիկների հոգեբանական ապահովման և մոնիտորինգի ունիվերսալ համակարգի ձևավորման մասին հարցերը, մանկավարժական գիտությունների թեկնածու Էռնեստ Ավանեսովի ներկայացրած հանրապետության հանրակրթական դպրոցների՝ մարզակառույցներ ունեցող այլ հաստատությունների հետ համագործակցության, հանրակրթական դպրոցների ուսուցիչների և նախադպրոցական հաստատությունների ֆիզկուլտ-հրահանգիչների մասնակցությամբ շարժախաղերի ազգային փառատոնի կազմակերպման, ինչպես նաև Հայաստանի ֆիզիկական կուլտուրայի և սպորտի պետական ինստիտուտի Լալայանի անվան մանկավարժության և հոգեբանության ամբիոնի վարիչ Հարություն Բաբայանի՝ գիտամեթոդական գրականության հրատարակման հանրապետական խորհուրդ ստեղծելու վերաբերյալ հարցերը:
 
Խորհրդի նիստի օրակարգում ընդգրկված հարցերի վերաբերյալ տեղի են ունեցել մասնագիտական և փորձագիտական քննարկումներ: Ներկաները համակարծիք են եղել, որ օրակարգային բոլոր հարցերը կարևոր են, և դրանք պետք է ստանան իրենց լուծումները:
 
Օրակարգային հարցերից մեկը՝ ազգային շարժախաղերի փառատոնին վերաբերող հարցը, հնարավոր է լուծվի մինչև տարեվերջ: Հաշվի առնելով այն, որ ապագա սերունդներին փոխանցվող մեր ազգային շարժախաղերը ոչ միայն մարզական, այլև մշակութային ժառանգություն են, խորհրդի անդամները պատրաստակամություն են հայտնել աջակցելու այդ փառատոնի կազմակերպմանը:
 
 
 
 
Նոյյան տապան   -   Սպորտ
Լուրեր Հայաստանից եւ Սփյուռքից

Կարդացել են 505 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար