Փաստաբանների պալատի որակավորման քննությունները կանցկացվեն հեռավար եղանակով

30-11--0001 00:00:00   | Հայաստան  |  Մամլո հաղորդագրություն
Նոր տիպի կորոնավիրուսի (COVID-19) համաճարակի տարածումը կանխարգելելու նպատակով և առաջնորդվելով 2020 թվականի գարնանը որակավորման քննություններ կազմակերպելու անհրաժեշտությամբ, ՀՀ փաստաբանների պալատի խորհուրդը 08.04.2020թ. կայացած կայացված 7/6-Լ որոշմամբ փոփոխել և լրացրել է Որակավորման քննության ընդունման և հանձնման կարգը և հաստատել վերջինիս հավելվածը հանդիսացող   «Արտակարգ դեպքերում որակավորման քննության ընդունման և հանձնման կարգ»-ը: Այս մասին հայտարարություն է տարածել Փաստաբանների պալատի մամուլի ծառայությունը․
 
««Արտակարգ դեպքերում որակավորման քննության ընդունման և հանձնման կարգ»-ը կիրառվելու է բացառապես կամ
ավորության սկզբունքով և վերջինիս համապատասխան որակավորման քննություն կազմակերպվելու է ՀՀ փաստաբանական դպրոցի միայն այն շրջանավարտների համար, ովքեր կհայտնեն նման ցանկություն:
 
 
Որակավորման քննությունը կազմակերպվելու է հեռավար հաղորդակցման միջոցների օգտագործմամբ: Հավակնորդը որակավորման քննությունը հանձնելու է Ժամանակացույցում նշված քննության օրը և առանձին ծանուցմամբ նշված ժամին, իր բնակության կամ այլ վայրից՝ լրացնելով Հանձնաժողովի կողմից իրեն տրամադրված 1 (մեկ) թեստային առաջադրանք:
 
Որակավորման քննության նոր ձևաչափի շրջանակներում հավակնորդները հանձնելու են թեստային առաջադրանք, որը կազմված է լինելու 10 (տասը) հարցից՝
 
4 հարցը՝ Փաստաբանի վարքագծի կանոնագրքից (առաջին բաղադրիչ).
6 հարցը՝ ըստ հավակնորդի մասնագիտական ուղղվածության՝ քաղաքացիաիրավական, վարչաիրավական կամ քրեաիրավական (երկրորդ բաղադրիչ):
Թեստի յուրաքանչյուր հարց կունենա 4 (չորս) այլընտրանքային պատասխան, որոնցից միայն մեկն է ճիշտ պատասխան, իսկ մյուսները՝ սխալ  են կամ ճիշտ պատասխանի համեմատությամբ` ոչ լիարժեք, որոնք նույնպես որակվելու են որպես սխալ պատասխաններ:
 
Թեստային հարցի ճիշտ պատասխանը գնահատվում է 2 (երկու) միավոր, իսկ սխալ պատասխանին միավոր չի տրամադրվում:
 
Որակավորման քննությունը հանձնած է համարվում այն հավակնորդը, ով ստացել է առնվազն 12 (տասներկու) միավոր (այսուհետ՝ անցողիկ միավոր), այդ թվում՝
 
առաջին բաղադրիչից ստացել է առնվազն 4 (չորս) միավոր, և
երկրորդ բաղադրիչից ստացել է առնվազն 8 (ութ) միավոր»,- ասված է հաղորդագրության մեջ:
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 14 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար