Արթուր Թովմասյանին շնորհավորական ուղերձ է հղել ՀՅԴ Եվրապայի Հայ դատի գրասենյակի նախագահ Գասպար Կարապետյանը

28-05-2020 15:25:59   | Արցախ (ԼՂՀ)  |  Մամլո հաղորդագրություն
Արցախի Հանրապետության Ազգային ժողովի նախագահիպաշտոնը ստանձնելու կապակցությամբ խորհրդարանի նորընտիր նախագահ Արթուր Թովմասյանին շնորհավորական ուղերձ է հղել ՀՅԴ Եվրապայի Հայ դատի գրասենյակի նախագահ Գասպար Կարապետյանը.
 


«ՀՅԴ Եվրոպայի Հայ
դատի գրասենյակի, եվրոպական տասներեք երկրներում գործող Հայ դատի հանձնամբերի և անձամբ իմ անունից սրտանց շնորհավորում եմ Ձեզ Արցախի Հանրապետության Ազգային ժողովի նախագահ ընտրվելու առիթով:
 
Շնորհավորում եմ նաև Արցախի ժողովրդին՝ ընտրելու իր հիմնարար իրավունքն իրացնելու և ժողովրդավարության սկզբունքների հիման վրա երկիրը կառուցելու իր հանձնառումը վերահաստատելու կապակցությամբ:
 
ՀՅԴ Եվրոպայի Հայ դատի գրասենյակը մեծ նշանակություն է տալիս Եվրոպական միության անդամ երկրների, ինչպես նաև Եվրոպական խորհրդարանի և Արցախի Հանրապետության Ազգային ժողովի միջև խորհրդարանական դիվանագիտության զարգացմանը և իր գործունեության կարևոր մասը ուղղում է դրան: Լիահույս ենք, որ փոխադարձ ըմբռնման մթնոլորտը և գործակցության բարձր մանարդակը, որ ձևավորվել էր դեռ Արցախի Հանրապետության Ազգային ժողովի նախկին կազմի հետ, կշարունակվի Ձեր՝ Ազգային ժողովի նախագահության տարիներին ևս:
 
Կցանկանայի նաև վստահեցնել Ձեզ, որ Եվրոպական միության տասներեք անդամ երկրներում հանձնախմբերի գործունեությունը համակարգող ՀՅԴ Եվրոպայի Հայ դատի գրասենյակը շարունակելու է իր անվերապահ աջակցությունը ցուցաբերել Արցախի ժողովրդին՝ հանուն Արցախի զարգացման և բարեկեցության:
 
Կրկին շնորհավորելով Ձեզ այս կարևոր և պատասխանատու պաշտոնում ընտրվելու առթիվ՝ մաղթում եմ քաջառողջություն և նորանոր ձեռքբերումներ»:
 
Արցախի Հանրապետության
ԱԺ լրատվության և հանրության հետ կապերի բաժին
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 337 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար