Անցկացվել է զորակոչի ընթացքում քաղաքացիների դիմումների և բողոքների քննարկման հանձնաժողովի առաջին նիստը

01-07-2020 16:00:04   | Հայաստան  |  Մամլո հաղորդագրություն
Հունիսի 30-ին կայացել է ՀՀ պաշտպանության նախարարի հրամանով կազմավորված` 2020թ. ամառային զորակոչի ընթացքում քաղաքացիների դիմումների և բողոքների քննարկման հանձնաժողովի առաջին նիստը:
ՀՀ պաշտպանության նախարարին կից հասարակական խորհրդի հովանու ներքո գործող հանձնաժողովը նիստի ընթացքում քննարկել է քաղաքացիներից ստացած դիմումներն ու բողոքները, հանդես եկել առաջարկություններով և միջնորդություններով։ Ստացված դիմումներն առավելապես վերաբերում են զորակոչիկների առողջական խնդիրներին և այդ առնչությամբ կատարված բուժհետազոտությունների արդյունքներին։
 


Ի տարբերություն նախորդ զորակոչերի, 2020թ. ամառային զորակոչի ընթացքում հանձնաժողովի աշխատանքը կկազմակերպվի համաճարակային իրավիճակի նկատառումով: Ձեռնարկվել են միջոցներ առողջական տեսակետից այն անվտանգ անցկացնելու համար: Մշտապես կախտահանվեն ու կօդափոխվեն աշխատանքային տարածքները, հանձնաժողովի անդամներին և քաղաքացիներին կտրամադրվեն
ախտահաման ու պաշտպանիչ միջոցներ: Հանձնաժողովի նիստերը կգումարվեն առավել հաճախ` կրճատելով մեկ նիստի ընթացքում քննարկվող դիմում-բողոքների թիվն ու նիստերի տևողությունը, կպահպանվի անվտանգ հեռավորություն նիստի մասնակիցների միջև և այլն:  
 
Քաղաքացիների դիմում-բողոքներն ընդունվում են աշխատանքային օրերին` ժամը 10:00-ից։ Դիմում-բողոքը պետք է գրել տանը, կցել անհրաժեշտ փաստաթղթերը և ամբողջական փաթեթը հանձնաժողովին փոխանցել մեկ անձի միջոցով կամ ուղարկել փոստով: Դիմում-բողոքի քննարկմանը կարող է մասնակցել առավելագույնը երկու անձ` զորակոչիկն ու նրա ընտանիքի մեկ անդամ:
 
Մանրամասն տեղեկությունների և պարզաբանումների համար անհրաժեշտ է զանգահարել (010) 52-34-82 հեռախոսահամարով:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 219 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար